علقت «أسماء محفوظ» الناشطة السياسية على الحكم الصادر ضدها أمس فور عودتها من الولايات المتحدة الأمريكية من محكمة جنح عين شمس بتأييد الحكم القاضي بحبسها لمدة عام وتغرميها ٢٠٠٠ جنيه: "رجعت امبارح الحمد لله ... أنا تمام حكم سنة وغرامة ٢٠٠٠ جنيه وفي استئناف، ولا حاجة بالنسبة للي حصل في العباسية وللي حصل للبنات والشباب".
وقالت «أسماء» على حسابها الشخصي على توتير: "طب سنة حكم ماشي ليه ٢٠٠٠ جنيه؟". وأضافت «أسماء»: "لو مكنش اللي بيحقق بس رئيس النيابة قعد معايا بعدها وقالي: "اتجوزي". وكل رتبة قابلتها قالتلي كده .. شايلين همي يا عيني". فضلوا بس يقولوا لي: "اتجوزي اتجوزي". ويوم التحقيق لواء فضل يقول لي: "اتجوزي". وفي الآخر ينفضونا كده ده أنا قلت الشقة عليهم أقل واجب".
وقالت «محفوظ»: "هو كل شوية يرفعوا عليا قضية ويخرجوني بكفالة واطلع براءة وميرجعوش الكفالة. طب لو مزنوقين في فلوس ما عندكو طره تاخدوا منهم ولا بتيجو على الغلبانة".
وسألها أحمد العروسي: "ايه ده الكفالة مابترجعش بعد البراءة؟!! فاسألك أبويا في الموضوع ده". وردت أسماء: "لا بترجع بس أنت عارف قضائنا شامخ".
وقالت «محفوظ»: "نفسي يبقى عندنا رؤساء سابقين ونشوفهم يرجعوا مهنتهم الأصلية. مش لازم يتسجن أو يموت أو يهرب يعني. وذكرت: "أنا نفسي يدخلوا المشرحة ويشوفوا الشباب اللي ماتت ويشموا ريحة الدم يمكن يحسوا".
